Aǵymdaǵy jyldyń İ-jartyjyldyǵynda elimizge 215 801 týrıs kelgen.

Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte Almaty qalasy týrızm jáne syrtqy baılanystar basqarmasynyń basshysy  Qıqymov Maqsat Sákenuly aıtty.

Onyń aıtýynsha, týrızm saýdamen, ónerkásippen, qarjy sektorymen, qurylyspen, kólikpen qatar ekonomıka draıverleriniń biri jáne halyqty barynsha jumyspen qamtýdyń aıryqsha bir kózi bolyp tabylady.

Osyǵan baılanysty, búginde Týrızmdi damytýdyń 2023 jylǵa deıingi Memlekettik baǵdarlamasynyń jobasy  ázirlengen, ony týrısik sala sýbektileri qyzý talqylaýda  jáne 2019 jyldyń 1 qańtarynda  bekitý  josparlanyp otyr.

Ózderińizge málim, álemniń kóptegen elinde týrızm JİÓ-niń ósýine eleýli úles qosady. Sonymen qatar álemdik týrızm ındýstrıasynyń jıyntyǵy álemdik JİÓ-niń 10%-yn  qalyptastyrady jáne  árbir 11 jumys ornyn qurady. Daǵdarys keziniń ózinde týrızm jyl saıyn 4-5% ósedi.

Búginde barlyq kelýshilerdiń besinshi bóligi (ishtegilerdi qosa alǵanda) jáne 40% sheteldikter Almatyǵa keletinin aıta ketý kerek. Megapolıs «Economist Intelligence Unit» reıtıńi boıynsha  ómir súrý úshin eń arzan qalalar tiziminde      3-orynda tur. Sońǵy úsh jylda  týrıser sany  orta eseppen  alǵanda 14%-ǵa, al ótken jyly - 20%-ǵa ósken (Ýnıversıada jáne EKSPO  arqasynda).

2017 jyly áýejaı arqyly qalaǵa shamamen 508 myń týrıs kelgen, maýsymdylyqty  esepke almaǵanda, bul aıyna  42 myńnan asa týrısi qamtıdy. Evropadan jáne Azıadan kelgen shetel týrıseriniń basym bóligi, ıaǵnı shamamen 60%-y tumsa tabıǵat ortasy retinde Almatyny tańdaıdy, qazaqstandyq týrıserdiń 55%-y munda túrli oıyn-saýyqtardyń bolýy sebepti jıi keledi.

Týrıser sanynyń ósýimen birge jaıǵastyrý oryndaryna kelýshiler sanynyń da artýy baıqalady. Mysaly, 2018 jyldyń 1-toqsanynyń  qorytyndysy boıynsha, jaıǵastyrý oryndaryna kelýshilerdiń jalpy sany 215 801 kelýshini quraǵan (2017 jyldyń 1-toqsanynda – 212 541), onyń  29% – týrıser.

Sondaı-aq aǵymdaǵy jyldyń 1-toqsanynda ótken jyldyń osyndaı kezeńimen salystyrǵanda tósek-orynnyń jalpy sany 13,5%-ǵa ósip, 16 133  qurady (2017 jyldyń  1-toqsanynda – 14 205), bul qalanyń bir  mezgilde 16 myńnan asa týrısi qabyldaýyna múmkindik beredi.

Sonymen qatar TripAdvisor álemdik platformasyndaǵy destınasıa retinde Almaty qalasyna qyzyǵýshylyqtyń artýy baıqalady. Almaty mıkro-saıtyna negizinen Reseı, AQSH, Ulybrıtanıa, Úndistan jáne Germanıa azamattary kiredi. Ekotýrızmge barynsha qyzyǵýshylyq baıqalady.

Búginde Almaty ekonomıkasynyń 87% – qyzmetter kórsetý. Bul oraıda qalada týrısik bıznes júrgizý úshin qolaıly  jaǵdaı  jasalǵan.

Sonymen búginde Almatyda 150-den astam týrızm nysandary, 15,5  myń oryndyq 180-nen astam qonaq úıler men hostelder, 1300 týrısik uıym, 2000-nan astam joǵary deńgeıli servıs usynatyn kafe men meıramhanalar jumys isteıdi. Jyl saıyn bul san ósýde. Tek osy jyldyń ózinde álemdik deńgeıdegi 2 qonaq úı, onyń ishinde Hilton, Novotel qonaq úılerin, sondaı-aq 50 shaqty kafe men meıramhana  ashý josparlanyp otyr.

Sonymen qatar búginde týrızm Almatynyń JÓÓ qurylymynda nebári 1,5%-dy quraıdy.

Sondyqtan aǵymdaǵy jyly 2020 jylǵa deıin «týrızmdi damytýdyń 100. qadamy» keshendi qalalyq jospary kelesi baǵyttar boıynsha  bekitilgen-dep atap ótti basqarma basshysy M.Qıqymov.